SEEUTechPark është park teknologjik i vendosur në kampusin e Universitetit të Evropës Juglindore në Tetovë, Maqedoni. U hap më 15 maj, 2013 nga Bordi i Universitetit të Evropës Juglindore, me qëllim të krijimit të kushteve për të nxitur krijimin e kompanive të reja start-up, duke krijuar një sinergji në mes kompanive dhe për të inkurajuar rritjen e NVM-ve ekzistuese (ndërmarrjeve të vogla dhe të mesme), e cila në afat të gjatë ofron mundësi të reja të punës.

Vizioni - Vizioni ynë është krijimi i një mjedisi brenda Universitetit, që do të ndërtoj lidhje më të ngushta dhe afatgjate ndërmjet akademisë dhe industrisë për të kthyer njohuritë dhe ekspertizën në Veprim, Prodhim dhe Investime

Misioni - Misioni ynë është zhvillimi i njohurive fillestare të kompanive të bazuar në UEJL, për të krijuar dhe për të nxitur një kulturë sipërmarrëse në mesin e fakulteteve, hulumtuesve, studentëve te UEJL dhe komercializimi i njohurive shkencore dhe teknologjike.