Славење на стартапите кои ја завршија 700 акцелераторската програма
Минатиот петок, на 02.02.2024 година се одржа последниот Демо Ден - настан кој ја слави моќта на иновативноста! Вкупно 14 стартапи кои ги завршија една од двете програми, 700 Accelerator и AgriTech и TourTech, ги презентираа своите бизнис-идеи пред 60+ инвеститори, бизнис ангели, инвестициски фондови и претставници на стартап екосистемот.
По неколку месечен интензивен раст и иновации, среќни сме и задоволни што нашата прва група од 6 динамични стартапи успешно го заврши своето патување низ нашата престижна 700 Acceleration програма. Возбудени сме што можеме да објавиме дека тие сега се подготвени и да ги револуционизираат индустриите и да направат пробив на пазарите на кои се натпреваруваат!
Преку строго менторство, тренинзи, совети и пристап до непроценливи ресурси, овие визионерски претприемачи ги усовршија своите стратегии, ги рафинираа своите производи и ги дотераа своите презентации до совршенство. Тие сега се вооружени со вештини, алатки и контакти неопходни за да напредуваат во денешниот конкурентен свет.
Ве повикуваме заедно да го промовираме духот на иновативноста и да ги поддржиме стартапите кои го обликуваат утрешниот свет.
Настанот беше поддржан од проектот „ EU for Economic Growth “, финансиран од ЕУ и Германското Сојузно Министерство за Економски Прашања и Климатски Активности, а имплементиран од GIZ - Deutsche Gesellschaft für Internationale Zusammenarbeit и Area Science Park.